Sadaxlı Təhsil və İnteqrasiya Mərkəzi artıq 1 ildir fəaliyyət göstərir
Regionun təhsil mühitində mühüm rol oynayan Sadaxlı Təhsil və İnteqrasiya Mərkəzinin fəaliyyətə başlamasının bir ili münasibətilə tədbir keçirilib.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Mərkəzin rəhbəri Samir Şərifov çıxışında müəssisənin bir il ərzində gördüyü işlər barədə ətraflı məlumat verib. O, hazırda mərkəzdə 120 şagirdin müxtəlif istiqamətlər üzrə təhsil aldığını deyib. Həmçinin mərkəzdə “Ayın Şagirdi” və “Ən İnnovativ Müəllim” kimi stimullaşdırıcı müsabiqələrin təşkilinin daxili motivasiyanın daha da güclənməsinə töhfə verə biləcəyini qeyd edib.
Tədbirdə çıxış edənlər mərkəzin bölgədə təhsilin keyfiyyətinin yüksəldilməsinə və inteqrasiya proseslərinə verdiyi töhfələri yüksək qiymətləndiriblər. Onlar mərkəzin gələcək fəaliyyətində uğurlar arzulayıb, bu növ təhsil ocaqlarının gənclərin inkişafındakı əvəzsiz rolunu vurğulayıblar.
14:46 21.05.2026
Oxunuş sayı: 57
