Recaynada Azərbaycanın zəngin mədəni irsi nümayiş olunub
Kanadada fəaliyyət göstərən Recayna Azərbaycan Mədəniyyət Assosiasiyası ənənəvi olaraq keçirilən “Katedral Kənd İncəsənət Festivalı – 2026”da (Cathedral Village Arts Festival – 2026) iştirak edib.
Crossmedia.az xəbər verir ki, Diasporla İş üzrə Dövlət Komitəsi məlumat yayıb.
Müxtəlif icmaların bir araya gəldiyi, fərqli mədəniyyətlərin paylaşıldığı festivalda Azərbaycanın zəngin mədəni irsi, milli geyimləri və rəqsləri nümayiş olunub. Zərif naxışlar, rəngarəng çalarlar və qədim irs elementlərini özündə birləşdirən geyimlərimiz iştirakçıları heyran edib. Festivalda “İncəsənət və mədəniyyət insanları bir araya gətirən ən güclü körpülərdən biridir” şüarı ilə keçirilən parad şəhər sakinlərinin böyük marağına səbəb olub.
İştirakçılar festivalın fərqli icmaların ortaq dəyərlərini birləşdirən mühüm platforma olduğunu bildiriblər.
13:45 21.05.2026
Oxunuş sayı: 367
