Zelenski keçmiş komanda yoldaşını "hədəf taxtasına qoydu"
Ukrayna Prezidenti Volodimir Zelenski Prezident Administrasiyasının keçmiş rəhbəri Andrey Boqdana qarşı sanksiyalar imzalayıb.
Crossmedia.az xəbər verir ki, bu barədə "RBC Ukraina" məlumat yayıb.
Boqdan ixtisasca hüquqşünasdır və əvvəllər oliqarx İqor Kolomoyskinin şəxsi vəkili olub. 2019-cu il prezident seçkiləri zamanı o, Zelenskinin komandasına hüquqi məsələlər üzrə məsləhət verib. O, Prezident Administrasiyasının rəhbəri kimi bir ildən də az çalışıb. 2020-ci ildə Zelenski onu Andrey Yermakla əvəzləyib.
Sanksiyalar 10 il müddətinə tətbiq edilib. Bunlara aşağıdakılar daxildir:
Aktivlərin bloklanması;
Ticarət qadağası;
Lisenziyaların və digər icazələrin dayandırılması;
Dövlət əmlakının özəlləşdirilməsində və icarəsində iştirakın qadağan edilməsi;
Ukrayna dövlət mükafatlarından qeyri-müəyyən müddətə məhrum edilməsi.
20:02 02.05.2026
Oxunuş sayı: 50
