KİV: Ukrayna Rusiyanı ağır döyüşlərə məcbur edib
Rusiya 2022-ci ilin fevral ayında Ukraynaya tammiqyaslı hücuma başlayanda bir çoxları onun əhəmiyyətli dərəcədə daha böyük hərbi gücünün sürətli qələbəni təmin edəcəyini proqnozlaşdırmışdılar.
Crossmedia.az "Business Insider"-ə istinadən xəbər verir.
Məqalədə qeyd edilib ki, Ukrayna qüvvələri rusları paytaxtdan geri itələyərək onları şərqdə amansız döyüşlərə məcbur etdi. Bundan əlavə, bu müddət ərzində Ukrayna tərəfdaş ölkələrin hazırda axtardığı silahlar, taktikalar və müdafiə texnologiyaları hazırlayıb.
"Xüsusilə son iki ildə Ukraynanın digər hərbi təşkilatlar üçün faydalı ola biləcək texnologiyalar və döyüş taktikaları hazırladığı çox aydın oldu", - deyə Avstraliya ordusunun keçmiş general-mayoru və hərbi strateq Mik Rayan nəşrə bildirib.
Nəşrdə bildirilir ki, tərəfdaşlar hazırda Ukrayna silahlarına çıxış əldə etməyə çalışır, onların istehsal təcrübəsindən öyrənir və silahlı qüvvələrində Ukrayna taktikalarını tətbiq edirlər.
"Ukraynanın silahlı qüvvələri, şübhəsiz ki, indi Avropada ən döyüş təcrübəsi olan və hazırda ən yaxşısıdır. Və müttəfiqlər buna diqqət yetirirlər", - deyə Böyük Britaniyanın keçmiş təhlükəsizlik müşaviri və hazırkı müdafiə analitiki Maykl Klark bildirib.
Nəşr qeyd edir ki, tərəfdaş ölkələr uzun müddətdir ki, Ukrayna qoşunlarını Rusiyaya qarşı döyüşə hazırlayırlar, lakin rollar getdikcə dəyişir: ukraynalılar təcrübələrini NATO qoşunları ilə bölüşür və onların təlim proqramlarında, xüsusən də dron müharibəsində iştirak edirlər.
23:50 30.04.2026
Oxunuş sayı: 52
