WUF13 Festivalının axşam proqramlarında dəyişikliklər edilib
Ümumdünya Şəhərsalma Forumunun On Üçüncü Sessiyasına (WUF13) hazırlıq çərçivəsində bütün ölkə miqyasında ictimai məlumatlılığı artırmaq üçün Azərbaycanın müxtəlif şəhərlərində WUF13 Festivalı keçiriləcək.
Crossmedia.az xəbər verir ki, bu barədə WUF13 Azərbaycan Əməliyyat Şirkətindən məlumat verilib.
Bildirilib ki, festival 30 apreldə Qubada başlayacaq. Daha sonra 2 mayda Lənkəranda, 4 mayda Qəbələdə, 5 mayda Şəkidə, 6 mayda Mingəçevirdə, 8 mayda Gəncədə, 10 mayda Xankəndidə, 12 mayda Sumqayıtda davam edəcək və 13 mayda Bakıda yekunlaşacaq.
Festival proqramı iki hissədən ibarət olacaq. Günün birinci yarısında ev sahibi olan şəhərlərdə WUF13 üzrə info-sessiyalar təşkil ediləcək. Günün ikinci yarısında açıq havada kütləvi proqramlar baş tutacaq.
18:51 27.04.2026
Oxunuş sayı: 47
