Ceyhun Bayramov: Azərbaycan-Ukrayna münasibətlərinin bütün spektri üzrə müzakirələr apardıq
Qəbələdə Azərbaycan və Ukraynanın xarici işlər nazirləri Ceyhun Bayramov ilə Andrey Sibiqa arasında ikitərəfli və çoxtərəfli münasibətlərinin bütün spektri üzrə məzmunlu müzakirələr aparılıb.
Crossmedia.az xəbər verir ki, bunu Azərbaycanın xarici işlər naziri C. Bayramov "X" sosial şəbəkə hesabında yazıb.
"Qəbələdə Azərbaycan-Ukrayna ikitərəfli və çoxtərəfli münasibətlərinin bütün spektri üzrə məzmunlu müzakirələr apardıq", - C. Bayramov bildirib və əlavə edib ki, əsas müzakirə mövzuları arasında enerji təhlükəsizliyi və şaxələndirilməsi sahəsində əməkdaşlığın gücləndirilməsi, nəqliyyat dəhlizlərinin və nəqliyyat infrastrukturunun inkişafı, ticarət, investisiyalar və iqtisadi tərəfdaşlıq, humanitar məsələlər və qarşılıqlı maraq doğuran digər sahələr var idi:
"Biz həmçinin regional və beynəlxalq təhlükəsizlik məsələləri ətrafında fikir mübadiləsi apardıq. Strateji tərəfdaşlığımız hər iki ölkənin və onların hüdudlarından kənarda olanların rifahı naminə möhkəmlənməkdə davam edir".
Qeyd edək ki, Azərbaycan və Ukrayna arasında Mülki və Kommersiya İşləri üzrə Hüquqi Yardım haqqında Saziş imzalanıb.
20:40 25.04.2026
Oxunuş sayı: 47
