Jalə Əliyeva və Birgül Soltanova bürünc medal uğrunda görüşə çıxacaqlar
Azərbaycan güləşçisi Jalə Əliyeva (57 kq) və Birgül Soltanova (65 kq) Albaniyanın paytaxtı Tiranada keçirilən Avropa çempionatında bürünc medal uğrunda yarışacaqlar.
Crossmedia.az xəbər verir ki, yarımfinalda Jalə Əliyeva Elvira Akamaloğluya (Türkiyə), Birgül Soltanova isə Alina Kasabiyevaya (UWW) uduzub.
Hər iki idmançı üçüncü yer uğrunda qarşılaşmada mübarizə aparacaq.
Ruzana Məmmədova (62 kq) isə təsəlliverici görüşə çıxacaq.
Xatırladaq ki, daha əvvəl yunan-Roma güləşçilərindən Həsrət Cəfərov (67 kq) və Qurban Qurbanov (82 kq) qızıl, Rəşad Məmmədov (55 kq), Nihat Məmmədli (60 kq), İslam Abbasov (87 kq) bürünc medal qazanıblar. Yunan-Roma güləşi millisi komanda hesabında birinci olub.
20:00 23.04.2026
Oxunuş sayı: 46
