Gündəm

Rusiya vətəndaşı Azərbaycanda çirkli pulların yuyulmasına görə 4 il azadlıqdan məhrum edildi

Azərbaycanda Rusiya vətəndaşı Aleksandr Vaysero çirkli pulların yuyulmasında təqsirli bilinərək 4 il müddətinə azadlıqdan məhrum edilib.

Crossmedia.az-ın məlumatına görə, istintaqla müəyyən olunub ki, Vaysero qabaqcadan əlbir olan bir qrup şəxs tərkibində fəaliyyət göstərərək külli miqdarda vəsaiti leqallaşdırıb. Həmin pulların ölkə xaricində fəaliyyət göstərən qanunsuz bukmeker, lotereya və digər qumar saytları vasitəsilə əldə edildiyi bildirilib.

Məlumata görə, təqsirləndirilən şəxslər vəsaitin mənbəyini gizlətmək məqsədilə pulları hissə-hissə müxtəlif şəxslərin adına açılmış bank kartlarına köçürüblər. Yuyulmuş vəsaitin ümumi məbləği 727 024,40 manat təşkil edib.

Aleksandr Vaysero Azərbaycan Daxili İşlər Nazirliyinin Kibercinayətkarlıqla Mübarizə Baş İdarəsinin əməkdaşları tərəfindən saxlanılaraq istintaqa cəlb olunub.

🖨 Çap et

15:32 22.04.2026

Oxunuş sayı: 49