Xarici xəbərlər

İsrailin hava hücumu: İİKK-nın neft gəlirləri üzrə yüksək vəzifəli rəsmisi öldürülüb

İsrail Hərbi Hava Qüvvələri ötən cümə günü Tehran yaxınlığında hava zərbəsi həyata keçirib.

Crossmedia.az bu barədə xarici mediaya istinadən xəbər verir.

Məlumata görə, hücum nəticəsində İslam İnqilabı Keşikçiləri Korpusu (İİKK) strukturunda fəaliyyət göstərən Neft Komandanlığının yüksək rütbəli nümayəndəsi Məhəmməd Rza Əşrəfi Kahini öldürülüb.

Bildirilir ki, o, İİKK-nın kommersiya direktorluğuna rəhbərlik edib və qurumun neft gəlirlərinin idarə olunmasında əsas fiqurlardan biri olub.

Məlumatda qeyd olunur ki, İİKK-ya bağlı Neft Komandanlığı beynəlxalq sanksiyalardan yayınaraq əldə edilən gəlirlər hesabına hərbi əməliyyatların maliyyələşdirilməsində və qurumun regional təsirinin genişləndirilməsində mühüm rol oynayır.

Əşrəfinin, illik milyardlarla dollar dəyərində olduğu ehtimal edilən bu maliyyə axınlarını idarə etdiyi və bununla da İİKK-nın hərbi potensialının, eləcə də Yaxın Şərqdəki proksi qüvvələrinin inkişafına töhfə verdiyi bildirilir.

🖨 Çap et

10:05 06.04.2026

Oxunuş sayı: 47