Xarici xəbərlər

Paşinyan kilsədə dəyişiklik planlayır: Katolikos gedir?

Ermənistanın Baş naziri Nikol Paşinyanın ölkədə kilsə rəhbərliyində dəyişiklik planlaşdırdığı iddia olunur.

Crossmedia.az xəbər verir ki, erməni KİV-lərinin yaydığı məlumata görə, Paşinyanın seçki platformasında katolikos postunun dəyişdirilməsi ilə bağlı mərhələli islahat planı yer alıb. Sənədə əsasən, ilk olaraq hazırkı katolikosun vəzifədən uzaqlaşdırılması nəzərdə tutulur.

Daha sonra müvəqqəti rəhbərin seçilməsi, kilsənin yeni nizamnaməsinin hazırlanaraq qəbul edilməsi və yekunda yeni katolikosun seçilməsi planlaşdırılır.

Məlumatlara görə, bu təşəbbüs kilsə idarəçiliyində struktur dəyişikliklərini və rəhbərliyin yenilənməsini hədəfləyir. Hələlik rəsmi qurumlar tərəfindən məsələ ilə bağlı açıqlama verilməyib.

🖨 Çap et

12:30 04.04.2026

Oxunuş sayı: 35