Xarici xəbərlər

Zərifdən ABŞ-a sərt mesaj: Biz dövlətçilik öyrədirdik

İranın sabiq xarici işlər naziri Məhəmməd Cavad Zərif ABŞ rəsmilərinin İrana qarşı səsləndirdiyi təhdidlərə kəskin reaksiya verib.

Crossmedia.az bu barədə xarici mediaya istinadən xəbər verir.

Zərif sosial şəbəkə hesabında paylaşım edərək bildirib ki, İran qədim sivilizasiyanın əsas mərkəzlərindən biri olub və dərin dövlətçilik ənənələrinə malikdir. O, ABŞ tərəfinin “Daş dövrünə qayıtmaq” kimi ifadələrini tənqid edərək bunun tarixi reallıqlarla ziddiyyət təşkil etdiyini vurğulayıb.

“İran sivilizasiyanın beşiyinin mərkəzində dayanırdı, Avropadakı əcdadlarınız (ABŞ xəritədə belə yox idi) hələ Daş dövründə idilər — üzlər çəkir və dəyənəklər oynayırdılar. Biz qayda-qanunu, nizamı və dövlətçiliyi öyrədirdik. Təəssüf ki, bunların heç biri bəzi təkəbbürlü və cahil nəsillərə çatmadı”, – deyə o qeyd edib.

Zərifin bu açıqlaması regionda artan gərginlik fonunda siyasi ritorikanın daha da sərtləşdiyini göstərir.

🖨 Çap et

16:46 03.04.2026

Oxunuş sayı: 615