Xarici xəbərlər

Polis bölməsinə bomba hücumu: 5 ölü, 13 yaralı

Pakistanın şimal-qərbindəki Xayber Paxtunxva əyalətinin Bannu bölgəsində bomba yüklü avtomobil polis bölməsinə çırpılıb.

Crossmedia.az bu barədə xarici mediaya istinadən xəbər verir.

Hadisə nəticəsində beş mülki şəxs həlak olub, 13 nəfər yaralanıb. Xilasetmə və təcili yardım qrupları dərhal hadisə yerinə göndərilib.

Partlayış polis bölməsinin mühafizə məntəqəsini tamamilə dağıdıb və binanın böyük hissəsinə ciddi ziyan vurub. Yaxınlıqdakı bir neçə ev də partlayışdan təsirlənərək uçub, bəzi insanlar dağıntılar altında qalıb.

Bannu bölgəsi, Əfqanıstan sərhədinə yaxın yerləşdiyi üçün "Tahreek-e-Cihad Pakistan" kimi terror təşkilatlarının fəaliyyəti və bölgədə toqquşmalar səbəbindən uzun müddətdir qeyri-sabit sayılır.

🖨 Çap et

16:22 03.04.2026

Oxunuş sayı: 49