Qətər XİN rəhbəri: ABŞ bazalarına yenidən baxıla bilər
Qətərin xarici işlər naziri Məhəmməd bin Əbdürrəhman öz ərazisində xarici qüvvələrin mövcudluğuna görə ciddi bədəl ödədiyini bəyan edib.
Crossmedia.az bu barədə xarici mediaya istinadən xəbər verir.
Nazir bildirib ki, ölkəsinin İranla münasibətləri “qardaş və bacı münasibətləri” səviyyəsindədir və Qətər torpaqları vasitəsilə bu ölkəyə yenidən zərər verilməsinə icazə verilməyəcək.
Nazir vurğulayıb ki, ABŞ Qətərlə bağlı verdiyi vədləri yerinə yetirməyib və əsasən öz maraqlarını güdür. Onun sözlərinə görə, əgər Vaşinqton həqiqətən Qətərin maraqlarını nəzərə alsaydı, ölkənin digər dövlətlərin işinə qarışmamaq qərarına hörmət edərdi.
Bildirilib ki, hazırda ABŞ-nin başqa bir ölkəni qorumaq məqsədilə Qətər ərazisindən istifadə etdiyi düşünülür və bu vəziyyətdə ən böyük itkiyə məruz qalan tərəf məhz Qətərdir.
Nazir əlavə edib ki, rəsmi Doha ABŞ hərbi bazalarının ölkədə mövcudluğuna yenidən baxılması məsələsini nəzərdən keçirir.
09:17 03.04.2026
Oxunuş sayı: 89
