Tramp İrandan uranın çıxarılması üçün hərbi əməliyyatı nəzərdən keçirir
ABŞ Prezidenti Donald Tramp İran ərazisində saxlanıldığı bildirilən təxminən 450 kiloqram zənginləşdirilmiş uranın çıxarılması məqsədilə hərbi əməliyyat variantını nəzərdən keçirir.
Crossmedia.az bu barədə "The Wall Street" ə istinadən xəbər verir ki, belə bir əməliyyat olduqca mürəkkəb və riskli hesab olunur. Planlaşdırılan ssenariyə əsasən, Amerika hərbi qüvvələri uranın yerləşdiyi obyektlərə daxil olmaq, materialları təhlükəsiz şəkildə çıxarmaq və ərazini tərk etmək üçün İranda bir neçə gün və ya daha uzun müddət qalmalı ola bilər.
ABŞ rəsmiləri bildiriblər ki, Donald Tramp hələlik bu əməliyyatın keçirilməsi barədə yekun qərar verməyib. Hazırda mümkün əməliyyatın ABŞ hərbçiləri üçün yarada biləcəyi risklər və regionda vəziyyətə təsirləri qiymətləndirilir.
Analitiklər hesab edirlər ki, belə bir addım Yaxın Şərqdə gərginliyi daha da artıra və ABŞ–İran münasibətlərində yeni böhrana səbəb ola bilər.
17:30 02.04.2026
Oxunuş sayı: 857
