Xarici xəbərlər

Baxçalı: Türkiyə İranın yanındadır

Türkiyə MHP sədri Dövlət Baxçalı ABŞ Prezidenti Donald Trampın İsrailin Baş naziri Benyamin Netanyahunun siyasətini izlədiyini və bölgəni fəlakətə sürüklədiyini bildirib.

Crossmedia.az bu barədə xarici mediaya istinadən xəbər verir.

O qeyd edib ki, bu cür yanaşma ilə ABŞ özünü dünya sülhünün təminatçısı kimi təqdim edə bilməz. Baxçalı vurğulayıb ki, Türkiyə İranda baş verən hadisələrə laqeyd qala bilməz və Ankara üçün İran təkcə qonşu dövlət deyil, həm də dil və dini baxımdan yaxın ölkədir. O bildirib ki, mövcud vəziyyətdə keçmiş fikir ayrılıqlarını kənara qoyaraq İran xalqı ilə birlikdə dayanmaq lazımdır.

Baxçalı əlavə edib ki, davam edən müharibə qlobal iqtisadi və enerji böhranına, strateji boğazların bağlanmasına, qaçqınların sayının artmasına, İraq və Livanda daha böyük dağıntılara, həmçinin antisemitizm və radikalizmin artmasına səbəb ola bilər.

O həmçinin bildirib ki, İranı qınamaq qəbuledilməzdir, çünki onun sözlərinə görə, İran açıq təcavüzə məruz qalan ölkədir. Bahçeli vurğulayıb ki, Türkiyə İranın yanındadır və onun mövqeyini ədalətli hesab edir.

🖨 Çap et

16:17 02.04.2026

Oxunuş sayı: 4677