Xarici xəbərlər

Rusiya Ermənistana mesaj verdi: Qırılma nöqtəsi yaxınlaşır

Rusiya Ermənistanla münasibətlərdə mümkün dönüş nöqtəsi barədə xəbərdarlıq edib.

Crossmedia.az bu barədə xarici mediaya istinadən xəbər verir.

Rusiyanın baş nazir müavini Aleksey Overçuk bildirib ki, Ermənistanın son addımları Moskvanı iqtisadi əlaqələri yenidən nəzərdən keçirməyə məcbur edə bilər. O, TASS agentliyinə müsahibəsində qeyd edib ki, rəsmi İrəvanın siyasəti iki ölkə arasında ticarət-iqtisadi münasibətlərin gələcəyi ilə bağlı ciddi suallar doğurur.

Overçukun sözlərinə görə, Ermənistanın Avropa İttifaqı ilə yaxınlaşma kursu və regiondakı ümumi geosiyasi dəyişikliklər mövcud əməkdaşlıq formatına təsir göstərir. O vurğulayıb ki, “Ermənistan çox yaxınlaşıb ki, Rusiya onunla iqtisadi əlaqələrini yenidən qurmalı olacaq”.

Rusiya rəsmisi əlavə edib ki, güzəştli satış mexanizmlərinin gündəmə gəlməsi və regional kontekstin dəyişməsi fonunda Moskva-İrəvan münasibətlərinin gələcək istiqaməti sual altına düşür.

Ekspertlər hesab edir ki, bu açıqlama Rusiya ilə Ermənistan arasında son dövrlərdə artan siyasi və iqtisadi gərginliyin daha da dərinləşə biləcəyinə işarə edir.

🖨 Çap et

14:17 02.04.2026

Oxunuş sayı: 223