Xarici xəbərlər

İranın zərbə potensialı tükənir, Tehran ehtiyat rejiminə keçir

İran münaqişənin ilkin mərhələsindəki yüksək atəş intensivliyini artıq qoruyub saxlaya bilmir və vəziyyət getdikcə çətinləşir.

Crossmedia.az bu barədə "Financial Times" ə istinadən xəbər verir.

Nəşrin məlumatına görə, ABŞ və İsrailin hərbi sənaye obyektlərinə, o cümlədən yığma sexləri və anbarlara endirdiyi zərbələr İranın hərbi logistikasına ciddi təsir göstərib. Bildirilir ki, Tehran mövcud sursatları istehsal imkanlarından daha sürətlə xərcləyir.

Məqalədə qeyd olunur ki, İran artıq uzunmüddətli münaqişəni nəzərə alaraq “sağ qalmaq strategiyası”na keçib və raketlərlə dronlardan istifadəyə qənaət edir. Buna baxmayaraq, hazırkı tempdə ehtiyatların cəmi bir neçə həftə kifayət edə biləcəyi vurğulanır.

Eyni zamanda, kütləvi yaylım atəşi taktikasından imtina edilərək daha nadir buraxılışlara keçid edilməsi Tehranın resurslarını qorumağa çalışdığını göstərir.

Financial Times qeyd edir ki, davam edən proseslər fonunda zaman İranın əleyhinə işləyir və ölkənin zərbə potensialının tükənməsi riski artır.

🖨 Çap et

11:40 02.04.2026

Oxunuş sayı: 46