İran ÜST-ə müraciət etdi: Səhiyyə obyektlərinə hücumlar pisləndi
İranın Cenevrədəki səfiri Əli Bəhreyn Ümumdünya Səhiyyə Təşkilatının baş direktoru Tedros Adhanom Qebreyesusa məktub ünvanlayıb.
Crossmedia.az bu barədə xarici mediaya istinadən xəbər verir.
Səfir məktubunda ABŞ və İsrailin İranın səhiyyə müəssisələrinə yönəlmiş hücumlarını qeyd edib.
Bildirilib ki, bu hücumlar nəticəsində 21 tibb işçisi həlak olub, 7 xəstəxana fəaliyyət qabiliyyətini itirib, 49 tibb mərkəzi zədələnib.
Açıqlamada 81 min mülki obyektin məhv edildiyi iddia olunur.
Diplomat əlavə edib ki, bu cür hücumlar İranın dinc nüvə obyektləri üçün də yüksək risk yaradır və xüsusilə neft anbarlarının hədəfə alınması ictimai sağlamlıq və ətraf mühit üçün uzunmüddətli təhlükə doğura bilər.
20:04 25.03.2026
Oxunuş sayı: 63
