Xarici xəbərlər

İran və Türkiyə regional gərginliyi müzakirə etdi

Bu gün İran və Türkiyənin xarici işlər nazirləri Abbas Əraqçı və Hakan Fidan telefon danışığı apararaq regional prosesləri və münaqişənin regional və qlobal təhlükəsizliyə təsirlərini müzakirə ediblər.

Crossmedia.az bu barədə xarici mediaya istinadən xəbər verir.

Əraqçı bildirib ki, "İran xalqının məktəblərinə, xəstəxanalarına və yaşayış məntəqələrinə hücumlar təcavüzkarlar tərəfindən törədilən cinayətlərdir" və İranın təcavüzkarların hərbi bazalarına zərbə endirməsi özünümüdafiə hüququnun həyata keçirilməsi sayılır. O, Hörmüz boğazında gəmiçiliyə təhdid olduğunu vurğulayaraq, bunun ABŞ və İsrailin "hərbi təcavüzü"nün nəticəsi olduğunu bildirib.

Türkiyə tərəfdən Hakan Fidan isə bölgədə gərginliyin azaldılmasının və İranla qonşu ölkələr arasında münasibətlərin gücləndirilməsinin vacibliyini qeyd edib.

🖨 Çap et

17:41 23.03.2026

Oxunuş sayı: 76