Xarici xəbərlər

Pezeşkian: İran təhdidlərə döyüş meydanında cavab verəcək

İran Prezidenti Məsud Pezeşkian ABŞ və İsrailin təhdidlərinə sərt reaksiya verib.

Crossmedia.az bu barədə xarici mediaya istinadən xəbər verir. O, “X” sosial şəbəkəsindəki paylaşımında İranın məhv ediləcəyi ilə bağlı səsləndirilən fikirləri “ümidsizliyin əlaməti” adlandırıb.

Pezeşkian bildirib ki, “İranı xəritədən silmək illüziyası tarix yaradan xalqın iradəsi qarşısında acizliyin göstəricisidir”. Onun sözlərinə görə, xarici təhdidlər ölkə daxilində birliyi daha da möhkəmləndirir.

İran prezidenti həmçinin vurğulayıb ki, Hörmüz boğazı ölkəyə qarşı təcavüz etməyən bütün tərəflər üçün açıqdır. O əlavə edib ki, İran bu cür təhdidlərə döyüş meydanında qətiyyətlə cavab verməyə hazırdır.

🖨 Çap et

15:08 23.03.2026

Oxunuş sayı: 53