Xarici xəbərlər

ABŞ rəsmisi: Yüksək vəzifəlilər sığınacaqdadır, əhali müdafiəsizdir

ABŞ İrana qarşı sərt bəyanatla çıxış edib.

Crossmedia.az bu barədə xarici mediaya istinadən xəbər verir. ABŞ müharibə nazirliyinin (Pentaqon) açıqlamasında İranın raket və pilotsuz uçuş aparatlarını mülki ərazilərdən buraxdığı iddia olunub.

ABŞ Mərkəzi Komandanlığının komandanı Bred Kuper bildirib ki, İran hücumları dayandıracağı təqdirdə hərbi əməliyyatlar da dərhal dayandırıla bilər. Onun sözlərinə görə, mövcud gərginliyin davam etməsi birbaşa Tehranın addımlarından asılıdır.

Kuper İran rəhbərliyini mülki əhalini risk altına atmaqda ittiham edib. O qeyd edib ki, raket və dron buraxılışları yaşayış məntəqələrindən həyata keçirilir və bu halları şəxsən müşahidə edib.

ABŞ rəsmisi həmçinin vurğulayıb ki, yüksək vəzifəli şəxslər möhkəmləndirilmiş sığınacaqlarda yerləşdiyi halda, mülki əhali kifayət qədər müdafiə olunmur.

🖨 Çap et

14:15 23.03.2026

Oxunuş sayı: 51