Xarici xəbərlər

İranlı jurnalist: Laricani heç bir terror təşkilatı ilə əlaqəsi olmayan mülki siyasətçi idi

İranlı jurnalist Əli Əlizadə “Jedaal” tok-şousunda çıxışı zamanı İran Ali Təhlükəsizlik Şurasının keçmiş katibi Əli Laricani ilə bağlı səsləndirilən iddialara münasibət bildirib.

Crossmedia.az bu barədə İran mediasına istinadən xəbər verir.

O qeyd edib ki, Laricani heç bir terror təşkilatı ilə əlaqəsi olmayan mülki siyasətçi olub və onun hədəfə alınması ağıllı müharibə kimi təqdim edilə bilməz:

“İsrail bu hücumları süni intellekt əsaslı ‘ağıllı müharibə’ kimi təqdim edir. Lakin Laricaninin öldürülmə üsulunun bununla heç bir əlaqəsi yoxdur”.

Jurnalistin sözlərinə görə, Laricaninin yerini müəyyən etmək üçün bir neçə məkan seçilib və həmin nöqtələr kor-koranə bombardman edilib. O iddia edib ki, nəticədə Laricani qızının evində, Tehran şəhərinin kasıb rayonlarından birində öldürülüb.

Əlizadə əlavə edib ki, həmin hücum zamanı Laricani ilə birlikdə daha 105 nəfər həyatını itirib. Onun sözlərinə görə, bombardman edilən digər ərazilərdə də oxşar sayda insanın öldüyü iddia olunur.

🖨 Çap et

13:40 23.03.2026

Oxunuş sayı: 200