Xarici xəbərlər

Gündə 2-3 fincan qəhvə stress və depressiya riskini azalda bilər

Alimlər qəhvə istehlakının psixi sağlamlığa təsiri ilə bağlı genişmiqyaslı araşdırmanın nəticələrini açıqlayıb.

Crossmedia.az bu barədə xarici mediaya istinadən xəbər verir.

Tədqiqat göstərir ki, gündə 2-3 fincan qəhvə içmək stress səviyyəsini azaltmağa, həmçinin narahatlıq və depressiya riskini aşağı salmağa kömək edə bilər.

Qeyd olunur ki, bu nəticə təxminən 462 min nəfərin iştirak etdiyi geniş araşdırma əsasında əldə olunub və müntəzəm qəhvə istehlakı ilə daha yaxşı psixoloji vəziyyət arasında əlaqə müəyyən edilib.

Bununla belə, mütəxəssislər xəbərdarlıq edir ki, normadan artıq qəhvə qəbulu əks təsir göstərə bilər. Belə ki, gündə 5 fincandan çox qəhvə içilməsi psixi pozğunluqlar riskinin artması ilə əlaqələndirilir.

Araşdırmada maraqlı məqamlardan biri də odur ki, eyni müsbət təsir təkcə üyüdülmüş deyil, həm də hazır və kafeinsiz qəhvə növlərində müşahidə olunub.

Mütəxəssislər qəhvə istehlakında balansın qorunmasının vacibliyini vurğulayır.

🖨 Çap et

17:32 22.03.2026

Oxunuş sayı: 144