Səudiyyə Ərəbistanı İran diplomatlarını ölkədən qovdu
Səudiyyə Ərəbistanı Ər-Riyaddakı İran səfirliyinin bir neçə diplomatını persona non-qrata elan edərək ölkəni tərk etmələrini tələb edib.
Crossmedia.az xarici mediaya istinadən xəbər verir ki, İran səfirliyinin hərbi attaşesi, onun müavini və daha üç diplomat 24 saat ərzində Səudiyyə Ərəbistanını tərk etməlidir.
Səudiyyə Ərəbistanı Xarici İşlər Nazirliyinin açıqlamasında bu qərarın İranın krallığa, Körfəz Əməkdaşlıq Şurasına üzv ölkələrə, eləcə də bir sıra ərəb və İslam dövlətlərinə qarşı “açıq hücumlarına” cavab olaraq verildiyi bildirilib.
Ər-Riyad bu cür addımların davam etməsinin regionda gərginliyi artıra biləcəyini və iki ölkə arasında mövcud və gələcək münasibətlərə ciddi təsir göstərəcəyini vurğulayıb.
15:42 22.03.2026
Oxunuş sayı: 2724
