Ərdoğan Bərzani ilə regiondakı vəziyyəti müzakirə edib
Türkiyə Prezidenti Rəcəb Tayyib Ərdoğan İraq Kürd Regional Hökumətinin Prezidenti Neçrivan Bərzani ilə telefon danışığı aparıb.
Crossmedia.az xəbər verir ki, telefon danışığı zamanı regiondakı vəziyyət və davam edən qarşıdurma prosesi müzakirə olunub.
Ərdoğan bildirib ki, Türkiyə bu kritik dövrdə İraqın yanında olduğunu vurğulayır və regionu fəlakətə sürükləyə biləcək addımlara qarşı mübarizə aparır.
O həmçinin qeyd edib ki, terror təşkilatları və onlarla əlaqəli qrupların fəaliyyəti diqqətlə izlənilir.
Türkiyə lideri əlavə edib ki, regiondakı qarşıdurmaların dayandırılması və tərəflərin yenidən danışıqlara qayıtması üçün intensiv diplomatik fəaliyyət davam etdirilir.
23:36 07.03.2026
Oxunuş sayı: 68
