Xarici xəbərlər

Tramp Rusiyaya qarşı sərt sanksiyalara “yaşıl işıq” yandırdı

ABŞ prezidenti Donald Tramp senator Lindsiy Qremin Rusiyaya qarşı sərt sanksiyaları nəzərdə tutan iki partiyalı qanun layihəsini təsdiqləyib

Crossmedia.az xəbər verir ki, bu barədə xarici KİV məlumat yayıb.

Senator Qremin sözlərinə görə, qanun layihəsi üzərində iş bir neçə ay davam edib və o, demokrat senator Riçard Blumentall və digər qanunvericilərlə əməkdaşlıq edib. Trampla görüşdən sonra isə layihəyə “yaşıl işıq” verilib.

Qanun layihəsi prezidentə Rusiyadan ucuz neft alan ölkələrə qarşı cəzai tədbirlər görmək imkanı verəcək. Məqsəd isə bu ölkələrin Putinin hərbi maşınını maliyyələşdirən ucuz rus neftindən istifadəsini dayandırmağa təşviq etməkdir.

Belə ki, layihəsi Çinə, Hindistana və Braziliyaya təsir göstərərək onların ucuz rus nefti alışını dayandırmağa stimul verəcək.

Bildirək ki, qanun layihəsinin səsverməsinin gələn həftə baş tutacağı gözlənilir.

Fatimə Məmmədova

🖨 Çap et

11:00 08.01.2026

Oxunuş sayı: 1172