Hadisə
Deputat Pərvanə Vəliyeva Xətai rayonunda seçicilərlə görüş keçirib
25 dekabr 2025-ci il tarixində deputat Pərvanə Vəliyeva Milli Məclisdə təmsil etdiyi Bakı şəhəri Xətai rayonunun 35 saylı ərazi seçki dairəsi üzrə bir qrup seçicisi ilə 56 saylı tam orta məktəbdə görüş keçirib.
Crossmedia.az xəbər verir ki, görüş zamanı sakinlər təhsil, məişət, kommunal, nəqliyyat və infrastrukturla əlaqəli məsələlər qaldırıblar. Müraciətlərin hər biri qeydiyyata alınmış və qaldırılan məsələlərlə bağlı vətəndaşlara hüquqi məsləhətlər verilmişdir.
Deputat həmçinin göstərilən problemlərin həlli istiqamətində sakinlərə dəstək olacağını və qanunvericiliyin tələbləri çərçivəsində aidiyyəti qurumlara müraciətlər ünvanlayacağını vurğulayıb.
P.Vəliyeva göstərdikləri etimada görə seçicilərə bir daha təşəkkürünü bildirmiş və icmalarda səyyar görüşlərini davamlı olaraq həyata keçirəcəyini qeyd etmişdir.
18:23 25.12.2025
Oxunuş sayı: 2198
