MEK cari ilin ikinci yarımilində dövlətçiliyə dair daxil olan nəşrlərin virtual sərgisini təqdim edir
Azərbaycan Milli Elmlər Akademiyasının (AMEA) Mərkəzi Elmi Kitabxanası (MEK) fonduna daxil olan Azərbaycan dövlətçiliyinə dair yeni informasiya resurslarının virtual sərgisinin (https://heyzine.com/flip-book/803abd382a.html) 2025-ci il üzrə ikinci buraxılışını təqdim edir.
Azərbaycan, rus və ingilis dillərində təqdim olunan nəşrlərdə Azərbaycan xalqının Ümumilli Lideri, dahi siyasətçi Heydər Əliyevin böyük siyasət yolu ideoloji sistem kimi yeni və dolğun materiallar əsasında dərindən araşdırılaraq, Azərbaycanda bütün sahələrdə dayanıqlı və sabit inkişafın əsaslarının formalaşdırılmasından bəhs edilir.
Sərgilənən nəşrlərdə Azərbaycanın müstəqillik tarixinə qızıl hərflərlə yazılmış böyük Zəfərin qazanılmasında Ali Baş Komandan İlham Əliyevin tarixi rolu, qətiyyətli sərkərdəliyi, Qərbi Azərbaycan torpaqlarında törədilən qanlı cinayətlər konkret faktlar, tarixi araşdırmalar əsasında öz əksini tapıb.
Sərgidə “Heydər Əliyevin Qərbi Azərbaycan siyasəti: tarixi və siyasi varislik”, “Azərbaycan" : "Azərbaycan" Qəzetində Qərbi Azərbaycan mövzusu (sentyabr 1918 - oktyabr 1919)”, “Azərbaycan Respublikasının dövlət müstəqilliyinin qorunub saxlanılması və möhkəmləndirilməsində Heydər Əliyev siyasəti”, “İlham Əliyev və yaşıl dünya naminə Azərbaycan (çap və elektron sənəd- informasiya resursları): biblioqrafik göstərici”, “Mənim Prezidentim: Ulu Öndər Heydər Əliyevin 100 yaşına”, “Heydər Əliyevin Ağdamın dinamik inkişaf konsepsiyası (XX əsrin 60-cı illərin sonu - 80-cı illərin əvvəlləri)”, “Heydər Əliyev və Azərbaycanda təhsilin inkişafı”, “Bu yol Heydər yoludur”, “Azərbaycan Konstitusiyası və Suverenlik: biblioqrafiya”, “Qarabağ zəfərinin əsasları”, “Vətən müharibəsinin salnaməsi”, “Heydər Əliyev Xatirə kitabının yaradıcısıdır: Ümummilli Lider Heydər Əliyevin anadan olmasının 100 illiyinə həsr olunur”, “Азербайджано-казахстанские отношения в прошлом и настоящем”, “For Peace and Security: visit of Heydar Aliyev, President of the Republic of Azerbaijan, to the United States of America in connection with the 50 year anniversary of NATO. April 22-27, 1999” və başqa nəşrlər nümayiş olunur.
Qeyd edək ki, virtual sərgi ilə yanaşı MEK-də ənənəvi sərgi də təşkil olunub.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.
15:44 12.12.2025
Oxunuş sayı: 916
