“Spider Web” əməliyyatı: SBU-nun dron hücumu dəfələrlə alınmayıb
Ukraynanın SBU tərəfindən həyata keçirilən “Spider Web” dron əməliyyatı haqqında yeni detallar üzə çıxıb.
Crossmedia.az xarici KİV-ə istinadən xəbər verir ki, əməliyyat bir neçə dəfə uğursuzluğa düçar olub. İlk gecikmə dronları daşıyan yük maşını sürücülərinin may bayramlarında sərxoş olması səbəbindən yaşanıb. Daha sonra yolda yük maşınlarından birinin damı qopub və dronlar açıq vəziyyətdə qalıb. Sürücü isə onların “heyvan izləmə cihazı” olduğuna inandırılaraq yola davam edib.
Əməliyyatın keçirildiyi 1 iyun tarixində sürücülərdən biri ilə əlaqə qəfil kəsilib. Sonradan onun öldüyü və yük maşınının tamamilə yandığı müəyyən edilib.
Bütün proses SBU-nun sınaqlarından keçmiş, təxminən 150 dron hazırlayan və Rusiyada FSB-nin üç saatlıq sorğu-sualından sağ çıxaraq qaça bilən agent ər-arvad cütlüyü tərəfindən koordinasiya olunub.
Səriyyə Tağıyeva
20:05 10.12.2025
Oxunuş sayı: 895
