Mərakeşdə iki bina uçub: 19 nəfər həlak olub
Mərakeşin Fez şəhərində dörd mərtəbəli iki bina çökməsi nəticəsində 19 nəfər həlak olub, onların arasında dörd uşaq da var.
Crossmedia.az xarici mediaya istinadən xəbər verir ki, hadisə dekabrın 9-u, çərşənbə axşamı, El Mustaqbal məhəlləsində baş verib.
Hər iki binada 8 ailənin yaşadığı bildirilir. Dağıntılar altından iki hamilə qadın diri şəkildə çıxarılıb. Hadisə yerinə təcili tibbi yardım briqadaları göndərilib, bir neçə yaralı xəstəxanaya çatdırılıb, bəzilərinin vəziyyəti ağırdır. Ehtiyat tədbiri olaraq yerli sakinlər də təxliyə olunub.
Hadisənin səbəbi hələlik məlum deyil. Qeyd edək ki, yaxın zamanlarda digər ölkələrdə tikinti obyektlərinin çökməsi ilə bağlı oxşar hadisələr qeydə alınıb.
14:20 10.12.2025
Oxunuş sayı: 1238
