Gündəm

Hesablama Palatasında nöqsanlar müzakirə olundu: Qərar qəbul edildi

Azərbaycan Respublikası Hesablama Palatasının sədri Vüqar Gülməmmədovun rəhbərliyi ilə növbəti Kollegiya iclası keçirilib.

Crossmedia.az bu barədə Hesablama Palatasına istinadənxəbər verir.

Məlumata görə, iclasda Hesablama Palatasının kənar dövlət maliyyə nəzarəti fəaliyyəti üzrə aşkar edilən nöqsanların təsnifləşdirilməsi ilə bağlı yeni sənəd layihəsi təqdim edilib və onun ətrafında müzakirələr aparılıb.

Kollegiya üzvləri tərəfindən nöqsan təsnifatının məzmunu, nöqsanların sistemləşdirilməsi və altkateqoriyalara bölünməsi, bunun müvafiq İnformasiya Sistemində nəzərə alınması və gələcəkdə nöqsanlara dair vahid yanaşmanın tətbiqi imkanları, həmçinin nöqsanların qarşısının alınmasına yönəlmiş tövsiyələrin icrasına nəzarət mexanizmləri müzakirə edilib. Müzakirələrin nəticələrinə əsasən sədr tərəfindən kollegiya üzvlərinə və struktur bölmə rəhbərlərinə tapşırıqlar verilib.