İlham Əliyev Türkmənistanda keçiriləcək “Mərkəzi Asiya və Azərbaycan” sammitində iştirak edəcək
Prezident İlham Əliyev 2026-cı ildə “Mərkəzi Asiya və Azərbaycan” formatında keçiriləcək Mərkəzi Asiya ölkələri liderlərinin Məşvərət Görüşünə dəvəti qəbul edib. Bu barədə İlham Əliyevin Türkmənistan Xalq Məsləhətinin sədri Qurbanqulu Berdiməhəmmədova ünvanladığı məktubda bildirilir.
Crossmedia.az türkmən KİV-inə istinadən xəbər verir.
“Mərkəzi Asiya ölkələrinin dövlət başçılarının qarşıdan gələn ildə yeni formatda – ‘Mərkəzi Asiya və Azərbaycan’ çərçivəsində keçiriləcək Məşvərət Görüşünə dəvət etdiyiniz üçün Sizə minnətdarlığımı bildirirəm. Bu dəvəti böyük məmnuniyyətlə qəbul edirəm”, – deyə məktubda qeyd olunub.
Türkanə Məşədiyeva
10:02 27.11.2025
Oxunuş sayı: 4523
