Ermənistanda türkcə öyrənmək istəyənlərin sayı kəskin artıb
Ermənistanda türkcə öyrənmək istəyənlərin sayı kəskin artıb, lakin müəllim çatışmazlığı yaşanır.
Crossmedia.az-ın məlumatına görə, Ermənistanın təhsil naziri Janna Andreasyan bildirib ki, hökumətin regional dillərin öyrənilməsini təşviq edən proqramı çərçivəsində ölkədəki üç məktəbdə azərbaycanca tədris olunur.
Onun sözlərinə görə, təşəbbüsə ümumilikdə 30-a yaxın məktəb qoşulub, lakin ən böyük maraq fars dilinədir — əsasən bu sahədə mütəxəssislərin mövcudluğu səbəbindən. Daha üç məktəbdə gürcü dili tədris olunur.
Andreasyanın qeyd etdiyinə görə, sorğular göstərib ki, Ermənistandakı təxminən 400 məktəb regional dillərin tədrisini təşkil etmək istədiyini bildirib. Onların çoxu türk dilini seçib, lakin nazirlik bu istiqamətdə ciddi müəllim çatışmazlığı ilə üzləşib.
14:56 04.11.2025
Oxunuş sayı: 1440
