Azərbaycan və Gürcüstan regional sülhə töhfə verməkdədir- -Nino Tsilosani
İstər Gürcüstanda, istərsə də Azərbaycanda Konstitusiyanın qəbulu onu göstərdi ki, vaxtilə xalqlarımız üzərində olan hökmranlığa qayıtmaq mümkün olmayacaq.
Crossmedia.az xəbər verir ki, bunu Gürcüstan Parlamentinin sədr müavini Nino Tsilosani Azərbaycan Respublikası Konstitusiyasının qəbul edilməsinin 30 illiyinə həsr olunan “Konstitusiya müasir dünyada dövlətlərin müstəqilliyinin və suverenliyinin təməli kimi” mövzusunda beynəlxalq parlament konfransında çıxışı zamanı deyib.
O bildirib ki, azadlığı əldə etmək heç də asan olmayıb:
“Bu, ərazi bütövlüyünün itirilməsi, məcburi köçkünlər, sosial problemlərlə mübarizə aparmaq hesabına əldə olunub”.
Gürcüstan rəsmisi vurğulayıb ki, 30 il ərzində hər iki ölkənin suverenliyi möhkəmlənib, beynəlxalq əlaqələr güclənib:
“Enerji tranzit infrastukturu Azərbaycandan Türkiyə və Gürcüstan vasitəsilə dünyaya çatdırılıb. Biz indi regional əlaqələrin inkişaf etidirilməsi üzərində işləyir, regional sülhə töhfə verməkdəyik”.
11:30 29.10.2025
Oxunuş sayı: 1351
