Zəngilanın azad olunması hərbi-strateji baxımdan çox əhəmiyyətli idi, çünki... - RƏY
Beş il əvvəl bu gün - oktyabrın 20-də Zəngilan işğaldan azad olundu. Zəngilanın azad olunması Azərbaycanın müasir hərbi tarixində mühüm dönüş nöqtələrindən biri kimi qiymətləndirilir. 2020-ci il Vətən müharibəsi zamanı əldə olunan bu qələbə təkcə hərbi əməliyyatların uğuru deyil, həm də strateji baxımdan böyük əhəmiyyət daşıyır.
Mövzu ilə bağlı hərbi jurnalist Rey Kərimoğlu Crossmedia.az-a açıqlamasında bildirib ki, 2020-ci ildə aparılan əməliyyatlar zamanı Zəngilanın azad olunması hərbi-strateji baxımdan xüsusi önəm daşıyırdı. Onun sözlərinə görə, həmin dövrdə Azərbaycan Ordusu cənub istiqamətində sürətlə irəliləyərək Ermənistan–İran–Azərbaycan sərhədinə çıxmağa nail oldu:
“O əməliyyatlar dövründə, 2020-ci ildə Zəngilanın azad olunması hərbi-strateji baxımdan çox əhəmiyyətli idi. Çünki ordumuz cənub istiqamətində sürətlə irəliləyərək Ermənistan–İran–Azərbaycan sərhədinə çıxdı. Artıq ərazi tamamilə Azərbaycan Ordusunun nəzarətinə keçdi və bu da döyüşün növbəti mərhələləri üçün Azərbaycan Ordusunun üstünlüyünü daha da möhkəmləndirdi".
Mehriban Yariyeva
15:33 20.10.2025
Oxunuş sayı: 6135
