Spiker: Məhz Heydər Əliyevin sayəsində müstəqillik ideyası real məzmun kəsb etdi
İclasımız tarixi bir günün ildönümü ərəfəsində keçirilir, 34 il öncə dövlət müstəqilliyimizin bərpası elan edildi.
Crossmedia.az xəbər verir ki, bunu Milli Məclisin bu gün keçirilən iclasında parlamentin sədri Sahibə Qafarova deyib.
Sədr bildirib ki, müstəqilliyi elan etmək az idi, onu qoruyub saxlamaq da lazım idi: “Təəssüf ki, dövlətin idarə edilməsində, daxili, xarici siyasətində ciddi səhvlərə yol verilmişdi. Daxili mübarizəyə başı qarışan səriştəsiz iqtidar dövləti idarə etməyə qadir deyildi. Dövlət müstəqilliyinin itirilməsi təhlükəsiz real şəkil almışdı. Bu zaman xalqımız Ulu öndərə üz tutdu. Heydər Əliyev ölkəni təkcə fəlakətdən xilas etmədi, həm də onu yenidən qurdu”.
Spiker bildirib ki, məhz Heydər Əliyevin fəaliyyəti sayəsində müstəqillik ideyası real məzmun kəsb etdi: “Ulu öndərin strateji xəttini layiqincə davam etdirən Prezident İlham Əliyevin fəaliyyəti müasir Azərbaycan dövlətinin qurulmasını təmin edib. Biz 44 günlük Vətən müharibəsində və antiterror əməliyyatlarında tarixi zəfər qazanmışıq. Bu gün Azərbaycan beynəlxalq platformalarda səsi eşidilən, öz sözünü deyən dövlətdir. Bütün bunlar bir daha sübut edir ki, Azərbaycan qlobal və regional gündəliyin formalaşmasında rol oynayan dövlətdir”.
11:11 17.10.2025
Oxunuş sayı: 7986
