Hikmət Hacıyev Almaniya XİN-in Dövlət Katibi ilə görüşüb
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Berlində Almaniya Xarici İşlər Nazirliyinin Dövlət Katibi Dr. Géza Andreas von Geyr ilə görüşüb.
Crossmedia.az xəbər verir ki, bu barədə o, "X" hesabında yazıb.
O, qeyd edib ki, regional məsələlər, bölgədə sülhün möhkəmləndirilməsi və iki tərəfli gündəm, o cümlədən əlaqələndirmə layihələri müzakirə olunub:
"Regional məsələlər, bölgədə sülhün möhkəmləndirilməsi və iki tərəfli gündəm, o cümlədən əlaqələndirmə layihələri barədə Almaniya Xarici İşlər Nazirliyinin Dövlət Katibi Dr. Géza Andreas von Geyr ilə müzakirələr apardıq. Azərbaycan ənənəvi olaraq Almaniya ilə dost və yaxşı münasibətlərə malik olub".
18:35 15.10.2025
Oxunuş sayı: 7032
