Ukrayna - Azərbaycan oyununu avstriyalı hakimlər briqadası idarə edəcək
DÇ-2026-nın seçmə mərhələsinin D qrupunda yer alan Ukrayna - Azərbaycan oyununu avstriyalı hakimlər briqadası idarə edəcək.
Crossmedia.az UEFA-nın rəsmi saytına istinadla xəbər verir ki, oyunun baş hakimİ Sebastyan Qisxamer olacaq.
Yan hakimlər isə Roland Riedel və Santino Şraynerdir. Dördüncü hakim funksiyası Valter Altmanna, VAR sistemi isə Manuel Şüttengruber və Kristian-Petro Çokirkoya həvalə ediləcək.
Qeyd edək ki, Ukrayna - Azərbaycan oyunu oktyabrın 13-də Polşanın Krakov şəhərində keçiriləcək.
Üç turdan sonra turnir cədvəli belədir: Fransa – 9, Ukrayna – 4, İslandiya – 3, Azərbaycan – 1 xal.
13:22 11.10.2025
Oxunuş sayı: 7009
