Maduro “İstiqlal 200 Planı”nın aktivləşdirildiyini açıqlayıb
Venesuela prezidenti Nikolas Maduro Şimali Venesueladakı Karabobo və La Guaira İnteqral Müdafiə Zonalarında “İstiqlal 200 Planı”nın aktivləşdirildiyini açıqlayıb.
Crossmedia.az xəbər verir ki, bu addım ABŞ-ın Cənubi Karib dənizində həyata keçirdiyi aqressiv manevrlər cavab olaraq atılıb. Plana Venesuela Milli Silahlı Qüvvələrinin bütün komponentləri, o cümlədən Milli Bolivarian Milisi də cəlb edilib.
Plan çərçivəsində paytaxt Karakas və ümumilikdə Şimali Venesueladakı kritik infrastruktur obyektlərində, o cümlədən hava limanları və gəmi limanlarında müdafiə tədbirləri gücləndirilib. Xüsusilə, Maiquetía Beynəlxalq Hava Limanına hərbi qüvvələrin yerləşdirildiyi vurğulanıb.
Karakasdakı Generalísimo Fransisko de Miranda Hərbi Hava Bazasında Buk-M2E zenit-raket sistemlərinin yerləşdirildiyi müşahidə olunub. Eyni zamanda, Maiquetía Hava Limanı yaxınlığındakı Karakas–La Guaira magistralında tank əleyhinə beton baryerlərin quraşdırıldığı bildirilib.
17:02 10.10.2025
Oxunuş sayı: 9577
