Ukrayna və Böyük Britaniya “Ahtapot” adlı pilotsuz aparat layihəsinə başlayır
Ukrayna və Böyük Britaniya “Şahed” tipli dronların qarşısını almaq üçün “Ahtapot” adlı dron–qarşılayıcıların birgə istehsalı layihəsinə razılaşıb.
Crossmedia.az xəbər verir ki, bu haqda Bloomberg məlumat yayıb.
Hazırda layihə danışıqlar mərhələsindədir və yaxın aylarda fəaliyyətə başlaya bilər.
Böyük Britaniyanın müdafiə nazirinin müavini Luk Pollardın sözlərinə görə, ayda təxminən 2 min ədəd “Ahtapot” dronu istehsal olunacaq və onların əsas hissəsi Ukraynaya göndəriləcək. Bu dronlar Rusiya pilotsuz uçuş aparatlarını zərərsizləşdirmək üçün istifadə ediləcək.
İlkin mərhələdə istehsal Böyük Britaniyada həyata keçiriləcək, lakin istehsal xətti çevik şəkildə təşkil olunacaq ki, cəbhə tələblərinə tez uyğunlaşa bilsin.
Londonda, həmçinin, Ukrayna ilə birgə planlaşdırılan bombaların istehsalı da daxil olmaqla digər müdafiə layihələri də nəzərdən keçirilir.
Türkan Kərimli
14:39 10.10.2025
Oxunuş sayı: 8550
