Zəngəzur dəhlizinin istifadəsi TDT-na üzv olan ölkələr üçün böyük imkanlar yaradır- Deputat
Azərbaycanın Qəbələ şəhərində baş tutan Türk Dövlətləri Təşkilatının (TDT) 12-ci Zirvə Samiti təkcə ölkəmiz üçün deyil, bütövlükdə türk dünyası üçün mühüm tarixi hadisə kimi dəyərləndirilir. Qardaş ölkələrin dövlət və hökumət başçılarının iştirakı ilə keçirilən bu sammit türk birliyinin siyasi, iqtisadi və mədəni inteqrasiyasının yeni mərhələsini formalaşdırdı. Qəbələnin ev sahibliyi etdiyi bu möhtəşəm tədbir, həm təşkilatın beynəlxalq nüfuzunun artdığını, həm də Azərbaycanın regional liderlik mövqeyinin daha da möhkəmləndiyini nümayiş etdirdi. Sammitdə səslənən çıxışlarda Türk Dövlətləri Təşkilatının qlobal arenada rolu, birgə əməkdaşlığın dərinləşdirilməsi, xüsusilə də Zəngəzur dəhlizinin strateji əhəmiyyəti ön plana çəkildi. Azərbaycanın Prezidenti cənab İlham Əliyevin liderliyi və təşəbbüsləri sayəsində Türk dünyasının birliyinə və iqtisadi gücünə yeni nəfəs gətirən bu sammit tarixə mühüm hadisə kimi yazıldı.
Mövzu ilə bağlı Milli Məclisin deputatı Məlahət İbrahimqızı Crossmedia.az-a açıqlama verib:
“Bugünlərdə ölkəmizdə çox əlamətdar və tarixi hadisə tədbir keçirilmişdir. TDT-nın 12-ci Zirvə Samitinin Azərbaycanın dilbər güşələrindən biri olan Qəbələ şəhərində keçirilməsi Azərbaycanda, Türk dövlətlərində eləcə də bütövlükdə gönül coğrafiyamızda çox ciddi izlənmiş və təqdir edilmişdir. TDT-nın üzvü və müşahidəçi statuslu ölkələrin liderləri öz çıxışlarında təşkilatın beynəlxalq məkanda getdikcə artan nüfuzu və əhəmiyyəti vurğulanmışdır. Çıxış edən hər bir dövlət və hökumət başçısı Azərbaycanın, xüsusən də Respublikamızın Prezidenti möhtərəm cənab İlham Əliyevin TDT-na verdiyi töhfələri minnətdarlıqla qeyd etmiş və TDT-nin gələcək fəaliyyəti üçün önəmli təkliflər irəli sürmüşdür. Sammitdə həm çıxışlarında, həm də müzakirədə Zəngəzur dəhlizinin beynəlxalq səviyyədə siyasi, iqtisadi əhəmiyyətini qeyd edilmiş və möhtərəm cənab İlham Əliyevin müstəsna xidmətləri qeyd edilmişdir. Bu mənada Prezidentimiz möhtərəm cənab İlham Əliyev çıxışında nəqliyyat və kommunikasiya əlaqələri təşkilat çərçivəsində strateji əhəmiyyətə malikdir. Türk dünyasının nəqliyyat, kommunikasiya, tranzit və digər istiqamətlərdə potensialından istifadə məqsədilə görülən işlər qlobal əhəmiyyətli layihələrin icrasına gətirib çıxarıb. Azərbaycan Şərq-Qərb və Şimal-Cənub nəqliyyat dəhlizlərinin fəal iştirakçısıdır. Ölkəmiz Türkiyə ilə Mərkəzi Asiya arasında coğrafi, iqtisadi, nəqliyyat və digər sahələrdə körpü rolunu oynayır”.
Deputat həmçinin qeyd edib:
“Dövlətimizin Başçısı ötən son üç ildə Orta Dəhlizlə yükdaşımaların demək olar ki, iki dəfə artdığını qeyd etmiş və dünyada gedən təhlükəli geosiyasi proseslər gonunda getdikcə də sürətlə artır. Təqdirəlayiqdir ki, Azərbaycan beynəlxalq əhəmiyyətli Zənhəzur dəhlizinin ölkəmizin ərazisindən keçən hissəsində nəqliyyat-loqistik infrastruktur layihələr ən yüksək səviyyədə icra olunmuşdur. Xəzərin ən böyük ticarət donanması, Ələt Beynəlxalq Ticarət Limanı, Bakı-Tbilisi-Qars dəmir yolu, 9 beynəlxalq hava limanı, regionun ən böyük yükdaşıma aviaşirkəti hazırda fəaliyyət göstərir”.
M. İbrahimqızı bildirib ki, Zəngəzur dəhlizi həm Orta Dəhliz, həm də Şimal-Cənub Dəhlizi çərçivəsində yeni nəqliyyat arteriyası və ikinci marşrut kimi mühüm əhəmiyyətə malikdir: “Bu mənada bütün parametlərdən misilsiz əhəmiyyətə malik Zəngəzur dəhlizinin istifadəsi TDT-na üzv olan ölkələr üçün Avrasiya məkanında, bu dövlətlərin gələcək inkişafı xüsusən də siyasi, iqtisadi-ticari baxımdan, eləcə də kollektiv təhlükəsizliyi baxımından böyük imkanlar yaradır. Sammitdə qəbul edilən yekun sənəddə də Zəngəzur dəhlizinin TDT ölkələri üçün əhəmiyyətinin vurğulanması və təsbit olunması da qeyd edilən məsələlərdən qaynaqlanır”.
Ayhan
20:12 09.10.2025
Oxunuş sayı: 1872
