Ərdoğan: Türk Dövlətləri Təşkilatı qlobal aktor olmaq yolunda irəliləyir
Təşkilatımız artan beynəlxalq nüfuzu, genişlənən təsir dairəsi və dərinləşən əməkdaşlığı ilə qlobal aktor olmaq yolunda irəliləyir.
Crossmedia.az xəbər verir ki, bu barədə Türkiyə Prezidenti Rəcəb Tayyib Ərdoğan Azərbaycandan, TDT sammitindən qayıdarkən jurnalistlərə müsahibəsində bildirib.
“Bu yolda biz institusionallaşmamızı dərinləşdirəcək, əməkdaşlığımızı şaxələndirəcək və təşkilatımızı qlobal miqyasda daha da nüfuzlu edəcəyik. Fürsətdən istifadə edərək, Türk Dövlətləri Təşkilatına sədrliyini layiqincə başa vurmuş Qırğızıstanı və uğurlu sammit təşkil edən Azərbaycanı təbrik edirəm. Gələn il yenidən sədrlik kürsüsünə keçəcəyik, inşallah, Türkiyədə Zirvə toplantısına ev sahibliyi edəcəyik”, - Türkiyə lideri qeyd edib.
12:21 08.10.2025
Oxunuş sayı: 2526
