Türkiyəli deputat: Süni intellekt iqtisadiyyatdan iqlim böhranına qədər bütün sahələrə təsir göstərir

Süni intellekt iqtisadiyyatdan iqlim böhranına qədər hər bir sahəyə təsir göstərməkdədir.
Crossmedia.az xəbər verir ki, bu fikirləri QDİƏT-in Türkiyə nümayəndə heyətinin üzvü Nazım Maviş Milli Məclisdə Qara Dəniz İqtisadi Əməkdaşlıq Təşkilatı Parlament Assambleyasının Sosial və Humanitar Siyasət Komitəsinin 65-ci iclasında deyib.
O bildirib ki, Türkiyə bu transformasiyanın fərqindədir.
"Biz Türkiyə olaraq bu istiqamətdə 2000-dən çox araşdırma və təkmilləşdirmə üzrə layihəyə dəstək göstərmişik. Eyni zamanda Türkiyə Böyük Millət Məclisi səviyyəsində süni intellekt üzrə araşdırma komissiyası və bu yöndə bir sıra komissiyayönlü işlər icra etmişik".
Nümayəndə Türkiyənin təhsil sahəsində də süni intellektin icrası ilə bağlı bir sıra layihələr icra etdiyini diqqətə çatdırıb.
"Biz süni inteklektin rəqabət sahəsində təklif etdiyi imkanlarla yanaşı, onun bəşəri təhlükə tərəflərini də nəzərə almalı və müzakirə etməliyik. Bu texnologiyanın bəşəriyyətə xidmət etməkdənsə, ona qarşı bir qüvvəyə çevrilə bilməsini gözardı etmək olmaz".
Nazım Maviş dünyada baş verən hadisələri nümunə gətirərək, texnologiyanın bu qədər inkişafına rəğmən insan ölümünün, sadəcə, rəqəmlərdən ibarət olduğunu ifadə edib.
11:37 07.10.2025
Oxunuş sayı: 2275