Rusiya Dövlət Dumasının MDB işləri, Avrasiya inteqrasiyası və həmvətənlərlə əlaqələr komitəsi sədrinin birinci müavini Viktor Vodolatski deyib ki, Gürcüstan, Ermənistan və Azərbaycan Avropa İttifaqı və Avropa ölkələrinin xüsusi xidmət orqanlarının diqqət mərkəzindədir və bu qurumlar həmin ölkələrdə dövlətçiliyin məhv edilməsinə çalışırlar.
Crossmedia.az xarici KİV-ə istinadən xəbər verir ki, Viktor Vodolatski bunu TASS agentliyinə açıqlamasında bildirib.
Məlumata görə, guya Aİ (Avropa İttifaqı) Azərbaycan Respublikasında “dövlətçiliyi dağıtmağa” hazırlaşır.
“Ona görə də postsovet məkanındakı istənilən dövlət onlar üçün insan dəyərlərinin, dərin tarixi köklərin məhv edilməsi və dağıdılması vasitəsidir. Onların məqsədi bütün bunları kəsmək, bulanıqlaşdırmaq və hər bir postsovet ölkəsini bir növ sürüyə çevirməkdir. Məhz bu səbəbdən Ermənistan və Azərbaycan da vaxtilə Ukraynanın ‘uçuruma yuvarlandığı’ ssenariyə bənzər addımlarla üzləşəcəklər,” – deyə Vodolatski bildirib.
Səbiyyə Zayirova
