İtaliya Prezidentindən Azərbaycana mühüm səfər: İkitərəfli əlaqələrimizdə yeni səhifə açılır
Sentyabrın 30-da İtaliya Prezidenti Sercio Matarellanın ölkəmizə səfəri Azərbaycan İtaliya münasibətlərinin inkişafına yeni bir impuls verəcək. Ümumiyyətlə, dövlət başçılarımızın qarşılıqlı səfərlərinin müntəzəm hal alması dövlətlərimiz arası əməkdaşlığı yaxınlaşdırdığı kimi xalqlarımız arasında münasibətlərin də inkişafına töhfə verir. İtaliya Azərbaycanın Avropa İttifaqına açılan qapısıdır. 2015-ci ildə imzalanmış Strateji Tərəfdaşlıq haqqında sənəd və 7 il əvvəl imzalanmış Hərtərəfli Strateji Tərəfdaşlığın genişləndirlməsinə dair Bəyyannamə ölkələrimiz arası münasibətlərin hərtərəfli inkişafı üçün hüquqi baza yaratmışdır. Siyasi münasibətlərimiz yüksək səviyyədədir. İtaliya Azərbaycanın ədalətli mövqeyini beynəlxalq təşkilatlarda həmişə dəstəkləmişdir. İqtisadi əlaqələrimiz isə günü-gündən dərinləşir. Belə ki, İtaliyanın Cənubi Qafqaz ölkələri ilə ticarətin 90%-ə yaxını Azərbaycanın payına düşür. Ölkələrimiz arasında 2024-cü ildə 16 milyard dollardan çox ticarət dövrüyyəsi olmuşdur. Bu da İtaliya Azərbaycanın birinci xarici tərəfdaş olduğunu göstərir. İtaliyanın neft idxalında Azərbaycan birinci yerdə dayanır. Qaz ixracında isə ikinci yerə malikik. Azərbaycanın ərsəyə gətidiyi Cənub Qaz Dəhlizi layihəsi Xəzərdə istehsal olunan qazın 3500 km uzunluğunda boru kəməri vasitəsilə İtaliyaya çatdırmağımıza imkan vermişdir. Bu gün biz İtaliyaya 10 milyard kub metrdən çox təbii qaz ixrac edirik. Azərbaycanın enerji sektorunun inkişaf etdirlməsində İtaliya xüsusi rol oynayır. Belə ki, bir müddət əvvəl yenicə istifadəyə verilmiş 1280 MeqaVatt gücündə İstilik Elektrik stansiyasının yenidən qurlmasında İtaliya şirkətləri yaxından iştirak etmişdir. Sumqayıt Kimya-Sənayesi Parkında Azərbaycan-İatliya müəsisəsi yaradılmışdır və bu müəsisənin açılışında dövlət başçılarımız iştirak etmişdir. İşğaldan azad olunmuş ərazilərdə ağıllı şəhər və ağıllı kənd layihələrin icrasında İtaliya şirkətləri yaxından iştirak edirlər. Ağdam Sənaye Parkında holland və mozzerella pendiri, italiyan pendiri istehsal edilən və investisya tutumu 2,2 milyan dollar olan süd məhsulları istehsalı zavodu tikilmişdir. Ölkələrimiz arası iqtisadi münasibətlər çox şaxəlidir və bu istiqamətdə çoxlu məsələləri qeyd etmək olar. Amma münasibətlərimiz ancaq siyasi və iqtisadi sahədə əməkdaşlıqla bitmir. Biz humanitar sahədə də əməkdaşlığımızı genişləndiririk. Belə ki, İtaliyada Azərbaycan mədəniyyəti günləri keçirlmişdir. Bu mədəni tədbirləri çərçivəsində italiyanlar azərbaycanlıların mədəniyyəti və mətbəxi ilə tanış ola bilmişdir. Bu gün isə Bakıda Azərbaycan-İtaliya universitetinin açılış olacaq. Bu universitet ilk növbədə ölkəmiz üçün çox vacib sahələr üzrə yüksəkixtisaslı mütəxəssislərin hazırlanmsında əsas rol oynayacaqdır. Məsələn, yeni açılan Azərbaycan-İtaliya universitetində fəaliyyət göstərəcək aqronomiya və baytarlıq fakülətələri ölkəmizin aqrar sektorunun inkişafı üçün çox vacib mütəxəssislərin hazırlanmasına töhfə verəcəkdir. Bu universitet həm də ölkələrimiz arası münasibətlərin möhkəmlənməsinə töhfə verəcəkdir. Belə ki, Azərbaycan-İtaliya universitetini bitirən hər bir şəxs hər iki ölkəmizin səfirləri və nümayəndələri olacaqlar. Bu baxımdan həmin mütəxəssislər dünyanın harasında olmasından asıllı olmayaraq Azərbaycan və İtaliyanın maraqlarını müdafiəçiləri olacaqdır. Təbii ki, ölkələrimiz arasında humanitar sahədə əməkdaşlığın dərinləşməsi Azəbaycan-İtaliya münasibətlərinin möhkəmlənməsində əsas rol oynayacaq.
Azər Badamov,
Milli Məclisin deputatı
12:19 01.10.2025
Oxunuş sayı: 13526
