Arxiyepiskop Acapahyan məhkəmədə təqsirli bilinib
Ermənistanın ilk instansiya məhkəməsi hakim Armine Meliksetyanın sədrliyi ilə arxiyepiskop Mikael Acapahyanı günahkar hesab edib.
Crossmedia.az xarici KİV-ə istinadən xəbər verir ki, bu barədə ittiham olunanın müdafiəçiləri məlumat yayıb.
Məlumata görə, əlavə dinləmələr zamanı tərəflərin iştirakı ilə işi ağırlaşdıran və yüngülləşdirən hallarla yanaşı, cəzanın növü və miqdarı müzakirə olunacaq. Bundan sonra məhkəmə hökm elan etmək üçün müşavirə otağına çəkiləcək.
Xatırladaq ki, Acapahyana qarşı Ermənistan Cinayət Məcəlləsinin 422-ci maddəsinin 2-ci bəndi ilə – konstitusiya quruluşunun zorakı yolla dəyişdirilməsinə açıq çağırış ittihamı irəli sürülüb. O, 28 iyunda həbs olunaraq iki aylıq həbs qətimkan tədbiri ilə saxlanılıb. İş ittiham aktı ilə prokurorluğa göndərilərək məhkəməyə təqdim edilib.
Fatimə Məmmədova
11:11 29.09.2025
Oxunuş sayı: 3307
