Nazir: İnvestisiya Forumunda sazişlərin dəyəri 10 mlrd. dolları ötüb
Azərbaycan Beynəlxalq İnvestisiya Forumunda 10 milyard dollardan çox saziş imzalanıb.
Crossmedia.az xəbər verir ki, bunu bu gün Bakıda keçirilən “INMerge” İnnovasiya Sammitində çıxış edən iqtisadiyyat naziri Mikayıl Cabbarov deyib.
Nazir bildirib ki, Azərbaycanın strateji mövqeyi və müasir infrastruktur layihələri ölkəni malların, insanların və ideyaların qovşağına çevirib və bu, onun beynəlxalq aləmdə etibarlı tərəfdaş kimi mövqeyini möhkəmləndirir.
O vurğulayıb ki, imzalanmış iri investisiya sazişləri ölkənin innovasiya ekosisteminə güclü təkan verəcək.
Cabbarov əlavə edib ki, Azərbaycan 2025–2028-ci illəri əhatə edən ilk milli süni intellekt strategiyasını hazırlayıb və bu sənəd rəqabət qabiliyyətinin gücləndirilməsinə, rəqəmsal transformasiyanın sürətləndirilməsinə xidmət edəcək.
10:48 29.09.2025
Oxunuş sayı: 3786
