Ömrü ən çox qısaldan dörd qida açıqlanıb - Uzaq durmalıyıq!
Gündəlik həyatda sevərək tez-tez qida rasionumuza əlavə etdiyimiz hazır qidalar dadına görə seçilsə də, sağlamlığımıza necə təsir etdiyini çox zaman düşünmürük. Lakin alimlər bildirirlər ki, bəzi məhsullar sadəcə sağlamlıq problemlərinə deyil, həm də insan ömrünün qısalmasına səbəb ola bilər. Yeni elmi hesabat isə hansı qidaların ömrü qısaltdığını dəqiq rəqəmlərlə göstərib. ABŞ-da aparılan yeni bir araşdırma bu məsələyə aydınlıq gətirib.
Crossmedia.az xarici KİV- ə istinadən xəbər verir ki, Miçiqan Universitetində aparılan araşdırmaya görə bəzi qidalar insan ömrünü qısaldır. Tədqiqat, emal olunmuş məhsulların və qatqı maddələrinin sağlamlığımız üzərində mənfi təsirlərini üzə çıxarıb: "Yediyimiz qidalarda mövcud olan qoruyucu maddələr, rəngləndiricilər, dadlandırıcılar, eləcə də əlavə şəkər və yağ kimi qatqılar fərqinə varmadan ömrümüzdən alır.
Araşdırma nəticəsində ömrü ən çox qısaldan 4 əsas qida müəyyən edilib:
Aspartamlı içkilər – 12 dəqiqə
Sosisli sendviç – 36 dəqiqə
Emal olunmuş ət (jambon) – 24 dəqiqə
Çizburger – 9 dəqiqə
Belə nəticələr göstərir ki, sevərək yediyimiz bəzi qidalar əslində ömrümüzə və sağlamlığımıza mənfi təsir göstərir"- məlumatda bildirilib.
Gülbəniz Bayramova
23:00 28.09.2025
Oxunuş sayı: 2792
