Süleyman İsmayılzadə: "Üzgüçülük yarışlarında yeni medallar əldə etməyə çalışacağıq"
Azərbaycan təmsilçiləri növbəti yarışlarda yeni medallar
qazanmağa çalışacaqlar.
Crossmedia.az xəbər verir ki, bunu
jurnalistlərə açıqlamasında III MDB Oyunlarında gümüş medal qazanan Azərbaycan
üzgüçüsü Süleyman İsmayılzadə deyib.
O,
uğurlu nəticəyə görə sevincli olduğunu bildirib:
"MDB
Oyunlarının üzgüçülük yarışlarında bu günə qədər heç bir medal qazanmamışdıq.
Bu, qazandığımız ilk medallardan idi. Fəxr edirəm ki, uğurlu nəticələrdən
birinə də mən imza atmışam. Bu hələ son deyil. Yeni medallar əldə etməyə
çalışacağıq. Uğurlu nəticələrə görə məşqçimizə təşəkkür edirik".
Qeyd
edək ki, Süleyman İsmayılzadə 1500 metr məsafəyə sərbəst üsulla üzmə yarışında
gümüş medala sahib çıxıb.
14:33 28.09.2025
Oxunuş sayı: 7778
