"Red Magic 10 Pro" üçün geri sayım başladı
Oyuna yönəlmiş "Red Magic" seriyasının yeni üzvləri üçün geri sayım başladı . "Nubia"-nın 13 Noyabrda "Red Magic 10 Pro" seriyasını istifadəçilərə təqdim edəcəyi gözlənilsə də, yeni detallar ortaya çıxmağa davam edir. Ən son irəliləyişlər "Red Magic 10 Pro"-nun batareyasını ortaya qoyur.
Bu yaxınlarda paylaşdığı tanıtım posteri ilə "Nubia Red Magic 10 Pro"-nun 7050 mAh batareya ilə təchiz ediləcəyini açıqladı. Məlum olduğu kimi, ötən il satışa çıxarılan sələfi "Red Magic 9 Pro"-da 6500 mAh batareyadan istifadə edilib. Bu əhəmiyyətli artım kimi şərh edilə bilər.
Şirkətin vurğuladığı başqa bir detal isə batareyasının inkişafına baxmayaraq telefonun qalınlığının artmayacağıdır. Burada cihazım sələfindəko kimi 8,9 mm qalınlığında olacağını bildirib.
Keçmiş hesabatlara görə, "Magic 10 Pro" 6,85 düymlük "BOE OLED" ekrana sahib olacaq və ekran altı kamera texnologiyası ilə təchiz ediləcək. Bundan əlavə, onun çərçivələri cəmi 1,25 mm qalınlığında olacaq və 95,3 faiz ekran-bədən nisbəti ilə güclü ekran təcrübəsi təqdim edəcək. Bundan əlavə, onun paneli 1,5K təsvir ölçüsünü (2688 x 1216 piksel), 144 Hz yeniləmə sürətini və 2000 nits pik parlaqlığı dəstəkləyəcək.
"Snapdragon 8 Elite" çipseti seriyanın bütün modellərində istifadə olunacaq. Üstəlik, güclü oyun təcrübəsi üçün xüsusi oyun çipi və PC səviyyəli soyutma sistemi ilə təchiz ediləcəyini qeyd etməliyik. Nəhayət, onların oyun yönümlü telefonlar üçün zəruri olan tətik düymələrinin olacağı deyilir.
Tərlan Əmrahova
06:28 13.11.2024
Oxunuş sayı: 22660
